Tudalen cartref
Gellir cysylltu â Creu-ad trwy:Shelagh Hourahane, Ymdeimlad o Gyrraedd:
Print o ddwrgi gan blentyn yn Ysgol Uwchradd Tregaron ar gyfer cerflun Casgliad Cors Caron yng Nghors Caron |
Ymdeimlad o Gyrraedd yng Nghors CaronTirwedd sydd wedi esblygu'n araf mewn haenau dros amser maith.Buom yn archwilio'r thema hon gan egluro tair elfen y Warchodfa, sef, yr afon, y gors a'r ymylon o ran y creaduriaid byw a phlanhigion y gellir eu cysylltu â phob elfen. Golygai'r prosiect Ymdeimlad o Gyrraedd yng Nghors Caron ryngweithio â'r gymuned leol drwy gyfarfodydd ymgynghori agored a gweithdai mewn sawl digwyddiad yn lleol. Mae dau gerflun yn ffurfio mynedfeydd i'r llwybr estyllod sydd newydd ei osod ac sy'n gadael i ymwelwyr gerdded ar y Gors. Bu Judy Macklin yn gweithio â grwp o Ffermwyr Ifainc Tregaron i wneud y Fynedfa Helyg fyw. Dysgodd y grwp am y broses o gydweithio â helyg a daethant yn fwy cyfarwydd â Chors Caron. Gwaith Brian Denman ac Ami Marsden yw'r Fynedfa Goed. Bu'r ffermwyr ifainc hefyd yn dysgu sgiliau sylfaenol cerfio coed fel y gallent helpu i wneud rhai elfennau o'r adeiledd. Mae a wnelo'r cerfiadau mwyaf manwl â bioamrywiaeth y tri chynefin sy'n ffurfio'r warchodfa. Gwahoddwyd Ysgol Uwchradd Tregaron i weithio ar y prosiect. Bu tîm o artistiaid, Jenny Fell, Teena Gould ac Ami Marsden yn gweithio â thua 60 o ddisgyblion i wneud printiau, cerameg a cherfiadau coed, a fydd yn cael eu cynnwys mewn cerflun deongliadol i'w osod yn y maes parcio arfaethedig i'r warchodfa. Cynlluniwyd casgliad Cors Caron, cerfluniaeth a fydd yn cynnwys gwaith celf deongliadol a wnaethpwyd gan y plant ysgol, gan Angharad Jones, ac mae wedi'i wneud gan Gideon Petersen. Mae'n ddigon tebyg i wal o gloeriau ysgol gan adael i bethau newydd gael eu cyflwyno yn nes ymlaen. |
Afon Teifi yng Nghors Caron
Bwa helyg yng Nghors Caron a wnaethpwyd gan Judy Macklin ac aelodau o Ffermwyr Ifainc Tregaron
Manylion o'r 'Bwa Coed' yng Nghors Caron - yr afon - gan Ami Marsden a Brian Denman |
