Tudalen cartref
Mwy am Creu-ad
Defnyddio'r Celfyddydau
Prosiectau Gorffenedig
Prosiectau sy'n Datblygu
Gwaith gyda Chymunedau
Gweithio â Creu-ad
Dolennau

English version

Gellir cysylltu â Creu-ad trwy:

Shelagh Hourahane,
ffôn: 01970 832 898 & 07885 971862
Lynne Denman,
ffôn: 01570 480 818 & 07789 743815

Ymdeimlad o Gyrraedd:
Tywyn Niwbwrch
Ynys-las
Cors Caron
Bae Oxwich
Coedydd Aber

Ymdeimlad o Gyrraedd yn Niwbwrch

Mae'r twyni yn Niwbwrch yn ffurfio cwningar anferth sy'n fagwrfa i gwningod ers canrifoedd.

Mae'n gynefin cyfoethog i blanhigion blodeuol ac adar ac yn draddodiadol, mae wedi cael ei bori gan ferlod.

Roedd y moresg sy'n tyfu yno'n arfer cael eu defnyddio gan y pentrefwyr hefyd, i blethu'n garthenni ar gyfer teisi gwair, rhaffau a basgedi.

Naddwyd y Wal Lechi gan Valerie Coffin Price ar ffens grawiau a oedd yno'n barod. Bu'n cydweithio â disgyblion Ysgol Niwbwrch i greu rhai syniadau cychwynnol i'r delweddau ac wedyn yn datblygu'r cynlluniau.

Mae'n dangos cyfoeth byd natur yn y warchodfa trwy gynrychioli adar, planhigion ac anifeiliaid a geir yno ar wahanol adegau'r flwyddyn.

Hefyd, mae a wnelo'r prosiect â'r hen ddiwydiant gwehyddu neu blethu moresg yn Niwbwrch.

Mae ychydig wragedd yn y pentref yn dal i gofio dysgu'r sgil tra oeddynt yn yr ysgol.

Bu dwy ysgol gynradd leol yn cymryd rhan a threuliodd Vania Nicholas, gweithwraig fetel a Dee Walker, gwneuthurydd basgedi lleol, bum wythnos gyda'r 92 o blant, gan eu helpu i ddysgu am y traddodiad lleol trwy archwilio sgiliau gwehyddu a phlethu gyda gwahanol ddefnyddiau.

Ann Catrin Evans, gof lleol a gweithwraig fetel, a gynlluniodd y Cerflun Moresg.

Mae'n ymdebygu i'r gafrod neu ysgubau a wneid i sychu'r moresg cyn dechrau gweithio arnynt.

Mae'r cerflun yn cynnwys delweddau a thestun sy'n cyfeirio at y cysylltiadau traddodiadol rhwng y warchodfa natur a'r gymuned ac at y gwaith celf sydd wedi'i gynhyrchu gan y plant.